കൊച്ചി: കൊച്ചി ഉദയംപേരൂര്‍ നീതു കൊലക്കേസ് പ്രതി ബിനുരാജ് ജീവനൊടുക്കി. കേസിന്റെ വിചാരണ നാളെ തുടങ്ങിനിരിക്കെയാണ് ആത്മഹത്യ. പ്രണയാഭ്യര്‍ഥന നിരസിച്ചതിനെ തുടര്‍ന്നാണ് 2014 ഡിസംബര്‍ 18ന് ഉദയംപേരൂരിലെ വീട്ടില്‍ കയറി പ്രതി പെണ്‍കുട്ടിയെ വെട്ടി കൊലപ്പെടുത്തിയത്. വീടിന്റെ ടെറസില്‍ നീതു അലക്കിയ തുണി വിരിക്കുന്നതിനിടയിലാണു കൊടുവാളുമായെത്തിയ ബിനുരാജ് അരും കൊല നടത്തിയത്. ഉദയംപേരൂര്‍ ഫിഷര്‍മെന്‍ കോളനിക്കു സമീപം മീന്‍കടവില്‍ പള്ളിപ്പറമ്ബില്‍ ബാബു, പുഷ്പ ദമ്ബതികളുടെ ദത്തുപുത്രിയായിരുന്നു നീതു.
