തിരുവനന്തപുരം: സംസ്ഥാന സെന്‍ട്രല്‍ സ്കൂള്‍സ് സ്പോര്‍ട്സ് മേളയില്‍ അടുത്ത വര്‍ഷം മുതല്‍ ഗെയിംസ് ഇനങ്ങള്‍ കൂടി ഉള്‍പ്പെടുത്തുമെന്ന് മുഖ്യമന്ത്രി പിണറായി വിജയന്‍. സംസ്ഥാന സ്കൂള്‍ കായികമേഖലയില്‍ വലിയൊരു ചുവടുവയ്പാണ് ഈ മത്സരങ്ങളെന്ന് പ്രഥമ മേള ചന്ദ്രശേഖരന്‍ നായര്‍ സ്റ്റേഡിയത്തില്‍ പ്രഥമ മേള ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. കായിക ഭൂപടത്തില്‍ നിന്ന് മാറ്റി നിര്‍ത്തിയ ഒരു വിഭാഗത്തെ കളിക്കളത്തില്‍ ഒപ്പം നിര്‍ത്താനും കായികൗന്നത്യത്തിലേക്ക് കൈപിടിച്ചുയര്‍ത്താനുമാണ് ഇന്ത്യയിലാദ്യമായി സംസ്ഥാനത്ത് സെന്‍ട്രല്‍ സ്കൂള്‍ മേള സംഘടിപ്പിക്കുന്നത്. പല കാര്യങ്ങളിലും രാജ്യത്തിനു മാതൃകയായ നമ്മുടെ സംസ്ഥാനം ഇക്കാര്യത്തിലും മറ്റു സംസ്ഥാനങ്ങള്‍ക്ക് മാതൃകയായിരിക്കുകയാണെന്നും മുഖ്യമന്ത്രി പറഞ്ഞു.
