ഐസിഎസ്‌ഇ പത്താം ക്ലാസ്, ഐഎസ്‌സി പന്ത്രണ്ടാം ക്ലാസ് പരീക്ഷാഫലങ്ങള്‍ പ്രഖ്യാപിച്ചു. പത്താം ക്ലാസില്‍ 98.5 ആണു വിജയശതമാനം. പന്ത്രണ്ടാം ക്ലാസില്‍ 96.21 ശതമാനവും വിജയം നേടി. ദേശീയതലത്തില്‍, പന്ത്രണ്ടാം ക്ലാസില്‍ കോട്ടയം, മാന്നാനത്തെ കെഇ ഇംഗ്ലിഷ് മീഡിയം സ്‌കൂളിലെ ആദിത്യകൃഷ്ണന്‍ (99.25%) രണ്ടാമതും തിരുവനന്തപുരം സെന്റ് തോമസ് റസിഡന്‍ഷ്യല്‍ സ്‌കൂളിലെ ലക്ഷ്മി എസ്.സുനില്‍(99%) മൂന്നാമതും എത്തി. മുംബൈയില്‍ നിന്നുള്ള സ്വയം ദാസ് ആണ് പത്താം ക്ലാസില്‍ അഖിലേന്ത്യാ തലത്തില്‍ ഒന്നാം സ്ഥാനത്തെത്തിയത് 99.4 ശതമാനമാണ് മാര്‍ക്ക്. 99.5 ശതമാനം മാര്‍ക്കുമായി ഏഴു പേര്‍ പന്ത്രണ്ടാം ക്ലാസ് പരീക്ഷയില്‍ ഒന്നാമതെത്തി.
