ഭുവനേശ്വര്‍ : ഒഡീഷയില്‍ പടക്ക നിര്‍മാണശാലയില്‍ തീപിടിത്തത്തെ തുടര്‍ന്ന് എട്ടു പേര്‍ മരിച്ചു. ഒഡീഷയിലാണ് സംഭവം നടന്നത്. സംഭവത്തില്‍ 20 പേര്‍ക്ക് പരിക്കേറ്റു. പരിക്കേറ്റവരില്‍ ആറു പേരുടെ നില അതീവഗുരുതരമായി തുടരുകയാണ്. ഒഡീഷയിലെ ബലാസോറെ ജില്ലയിലാണ് ഈ പടക്ക നിര്‍മാണശാല പ്രവര്‍ത്തിച്ചിരുന്നത്. അപകടം ഉണ്ടായ പടക്ക നിര്‍മാണശാലയക്ക് ലൈസന്‍സില്ലായിരുന്നു. സംഭവത്തില്‍ സ്ഥാപന ഉടമയുടെ മകനും മരിച്ചു. സ്ഫോടനം നടക്കുന്ന സമയത്ത് ഇവിടെ 12 തൊഴിലാളികള്‍ ജോലി ചെയുന്നുണ്ടായിരുന്നു.
