തിരുവനന്തപുരം : മന്ത്രി ജി സുധാകരന്റെ ഭാര്യ ജൂബിലി നവപ്രഭ കേരള സര്‍വകലാശാലയിലെ പദവി രാജിവെച്ചു. സ്വാശ്രയ കോളജുകളുടെ ഡയറക്ടര്‍ സ്ഥാനമാണ് ജൂബിലി നവപ്രഭ രാജിവെച്ചിരിക്കുന്നത്. തന്നെയും ജി സുധാകരനെയും അപമാനിക്കാന്‍ ശ്രമം നടക്കുന്നു എന്നാരോപിച്ചാണ് രാജിവെച്ചത്. പദവി സ്ഥിരപ്പെടുത്താനോ ശമ്പളം വര്‍ധിപ്പിക്കാനോ തീരുമാനിച്ചിട്ടില്ലെന്നും സുധാകരന്റെ പേരിന് കളങ്കം ഏല്‍പ്പിക്കാന്‍ ചിലര്‍ ശ്രമിക്കുന്നുണ്ടെന്നും അവര്‍ പറഞ്ഞു.
