വാഷിംഗ്ടണ്‍: വാഷിംഗ്ടണില്‍ ആംട്രാക് ട്രെയിന്‍ പാളം തെറ്റി ഹൈവേയില്‍ പതിച്ച അപകടത്തില്‍ മരണം ആറായി. നിരവധി പേര്‍ക്ക് പരിക്കേറ്റിട്ടുണ്ട്. പരിക്കേറ്റ എഴുപതോളം യാത്രക്കാരെ ആശുപത്രിയില്‍ പ്രവേശിപ്പിച്ചു. മരണ സംഖ്യ ഉയരാന്‍ സാധ്യതയുണ്ടെന്ന് അധികൃതര്‍ പറഞ്ഞു. ഇവരില്‍ പലരുടേയും നില ഗുരുതരമാണ്. സീറ്റിലില്‍ നിന്ന് പോര്‍ട്ട്ലന്‍ഡിലേക്കുള്ള ഉദ്ഘാടന യാത്രയിലാണ് ട്രെയിന്‍ അപകടത്തില്‍പ്പെട്ടത്. പിയേഴ്സ് കൗണ്ടിയിലെ റെയില്‍വേ മേല്‍പ്പാലത്തില്‍ നിന്ന് പാളം തെറ്റി ബോഗികള്‍ താഴേക്ക് പതിക്കുകയായിരുന്നു. അന്തര്‍സംസ്ഥാന പാതയിലേക്കാണ് ബോഗികള്‍ പതിച്ചത്.
