മെക്സിക്കോ സിറ്റി : മെക്സിക്കോയില്‍ ഹെലികോപ്റ്റര്‍ തകര്‍ന്ന് രണ്ട് പേര്‍ മരിച്ചു. മെക്സിക്കോ ആഭ്യന്തരമന്ത്രി അല്‍ഫോന്‍സോ നവരത്തെയേയും ഗവര്‍ണര്‍ അലെജെന്‍ഡ്രോ മുറെയേയും സഞ്ചരിച്ചിരുന്ന ഹെലികോപ്റ്റര്‍ മെക്സിക്കോയിലെ ഭൂകമ്ബ ബാധിത പ്രദേശത്ത് ലാന്‍ഡ് ചെയ്യാന്‍ ഒരുങ്ങുന്നതിനിടെ അപകടത്തില്‍പെടുകയായിരുന്നു. ഇരുവരും അത്ഭുതകരമായി രക്ഷപ്പെട്ടെന്ന് മെക്സിക്കന്‍ ആഭ്യന്തരവകുപ്പ് അറിയിച്ചു. മരിച്ചവരെ കുറിച്ചോ അപകടകാരണം സംബന്ധിച്ചുള്ള വിവരങ്ങളോ ലഭ്യമല്ല.
