എറണാകുളം : വടക്കന്‍ പറവൂര്‍ മജിസ്ട്രേറ്റിനെ സ്ഥലം മാറ്റി. ഞാറയ്ക്കലിലേക്കാണ് സ്ഥലം മാറ്റിയത്. വരാപ്പുഴയിലെ വീടാക്രമണ കേസുമായി ബന്ധപ്പെട്ട് പറവൂര്‍ മജിസ്ട്രേറ്റിന് എതിരായ പരാതിയില്‍ ഹൈക്കോടതി വിശദീകരണം തേടിയിരുന്നു. ഇതിന് പിന്നാലെയാണ് സ്ഥലംമാറ്റം.പ്രതികളെ കഴിഞ്ഞ ഏഴാംതിയതി പറവൂര്‍ ജൂഡിഷല്‍ മജിസ്ട്രേറ്റിന്‍റെ വീട്ടിലെത്തിച്ചിരുന്നു. എന്നാല്‍ ഇവരെ റിമാന്‍ഡ് ചെയ്യാതെ മടക്കി അയക്കുകയായിരുന്നു. ഇതിനെതിരെ പോലീസ് ഹൈക്കോടതിയെ സമീപിച്ചതിനെ തുടര്‍ന്നാണ് മജിസ്ട്രേറ്റിന്‍റെ വിശദീകരണം തേടിയത്. എന്നാല്‍ ശ്രീജിത്തിന് മര്‍ദനമേറ്റിരുന്നതായി തനിക്ക് പരാതി ലഭിച്ചെന്നും അതിനാലാണ് പോലീസ് കസ്റ്റഡി അനുവദിക്കാതിരുന്നതെന്നും എഫ്‌ഐആറില്‍ മജിസ്ട്രേറ്റ് അന്നുതന്നെ രേഖപ്പെടുത്തിയിരുന്നു.
