വാളയാര്‍ : വാളയാര്‍ ചെക്ക് പോസ്റ്റില്‍ ലോറി സമരാനുകൂലികളുടെ കല്ലേറില്‍ ലോറി ക്ലീനര്‍ മരിച്ചു. മേട്ടുപ്പാളയം സ്വദേശി മുബാറക് ബാഷയാണ് മരിച്ചത്. പുലര്‍ച്ചെ മൂന്ന് മണിയോടെയാണ് ആക്രമണമുണ്ടായത്. പതിനഞ്ച് പേരടങ്ങിയ സംഘമാണ് ലോറിയ്ക്കു നേരെ കല്ലെറിഞ്ഞത്. ആക്രമണത്തില്‍ ലോറി ഡ്രൈവര്‍ക്കും പരിക്കേറ്റു. കോയമ്പത്തൂരില്‍ നിന്നും ചെങ്ങന്നൂരിലേക്ക് വന്ന ലോറിയ്ക്ക് നേരെയായിരുന്നു കല്ലേറുണ്ടായത്. സംഭവത്തില്‍ പോലീസ് അന്വേഷണം ആരംഭിച്ചു.
