കാസര്‍കോട്: റവന്യൂമന്ത്രി ഇ. ചന്ദ്രശേഖരന്‍ പങ്കെടുത്ത സര്‍ക്കാര്‍ പരിപാടി എം പിയും എം എല്‍ എമാരുമടക്കം സിപിഎമ്മിന്റെ മുഴുവന്‍ ജനപ്രതിനിധികളും ബഹിഷ്കരിച്ചു. സി പി ഐ -സിപിഎം തർക്കം നിലനിൽക്കുന്ന സാഹചര്യത്തിൽ ഈ ബഹിഷ്കരണം ചർച്ചയായി. മാനസിക-ശാരീരിക വെല്ലുവിളികള്‍ നേരിടുന്നവര്‍ക്കുള്ള ജില്ലാ തല കര്‍മ്മ പദ്ധതിയുടെ ഭാഗമായുള്ള ഉപകരണങ്ങളുടെ വിതരണോദ്ഘാടനവും താക്കോല്‍ ദാനവും പരിപാടിയില്‍ നിന്നുമാണ് എം പിയും എം എല്‍ എമാരുമടക്കമുള്ളവര്‍ വിട്ടുനിന്നത്.
