തിരുവനന്തപുരം: പൂവച്ചലിൽ സ്കൂളിന് മുന്നിൽ വിദ്യാർഥിയുടെ ശരീരത്തിലൂടെ ലോറി കയറിയിറങ്ങി പൂവച്ചൽ യു.പി. സ്കൂൾ മൂന്നാം ക്ലാസ്സ് വിദ്യാർഥി മാമ്പള്ളി സ്വദേശി ഇമ്മാനുവേലാണ് അപകടത്തിൽപ്പെട്ടത്. ഗുരുതരമായി പരിക്കേറ്റ കുട്ടി തിരുവനന്തപുരം മെഡിക്കൽ കോളേജിൽ തീവ്രപരിചരണ വിഭാഗത്തിൽ ചികിത്സയിലാണ്.
നിലത്തുവീണ കുട്ടിയുടെ ശരീരത്തിലൂടെ ലോറിയുടെ മുന്നിലെ വലതു വശത്തെ ടയർ കയറി ഇറങ്ങുകയായിരുന്നു. ഓടിയെത്തിയ നാട്ടുകാരും രക്ഷകർത്താക്കളും ചേർന്ന് രക്ഷാ പ്രവർത്തനം നടത്തി. അതുവഴി വന്ന കാർ യാത്രകാർ സംഭവം കണ്ട് വാഹനം നിർത്തി കുട്ടിയെ കാട്ടാക്കടയിലെ സ്വകാര്യ ആശുപത്രിയിൽ എത്തിച്ചു. ഗുരുതര പരിക്കായതിനാൽ പ്രാഥമിക ചികിത്സക്ക് മെഡിക്കൽ കോളേജിൽ പ്രവേശിപ്പിച്ചു. രാവിലെ 8.45ടെയാണ് സംഭവം. സിമന്റ് കയറ്റി വന്ന KL-03- L-8155 ലോറിയാണ് സ്കൂളിലേക്ക് പോയ കുട്ടിയെ ഇടിച്ചിട്ടത്.
