തിരുവനന്തപുരം : ബാറിനുള്ളില്‍ യുവാവിനെ കുത്തി കൊലപ്പെടുത്താന്‍ ശ്രമിച്ച സംഭവത്തില്‍ നിരവധി കേസുകളിലെ പ്രതിയു മായകിളിമാനൂര്‍ കൊടുവഴ ന്നൂര്‍ തോട്ടവാരം സ്വദേശി മഹേഷിനെ (32) യാണ് കിളിമാനൂര്‍ പൊലീസ് പിടികൂടിയത്. ഇയാള്‍ക്കതിരെ പൊലീസ് കാപ്പ ചുമത്താന്നുള്ള നടപടികള്‍ സ്വീകരിച്ച്‌ വരികയായി രുന്നു. ഇതിനിടയിലാണ് ബാറിനുള്ളിലെ കുത്ത് കേസില്‍ മഹേഷ് അറസ്റ്റിലാകുന്നത്.
കാരേറ്റിലുള്ള കാര്‍ത്തിക ബാറില്‍ മദ്യപിക്കാനെത്തിയ യുവാവിനെ വഴിയില്‍ തടഞ്ഞതിനെ ചൊല്ലിയുള്ള തര്‍ക്കത്തെ തുടര്‍ന്നാണ് ആക്രമണം. പ്രതി പൊട്ടിയ ബിയര്‍ കുപ്പിയുടെ തലഭാഗം കൊണ്ട് യുവാവിനെ തുരുതുരാ കുത്തുകയായിരുന്നുവെന്ന് പൊലീസ് പറഞ്ഞു.
അക്രമണത്തില്‍ യുവാവിന് നെഞ്ചിലും, തലയുടെ മുകള്‍ ഭാഗത്തും കാലിന്റെ തുടയിലും കുത്തേറ്റു.
ഗുരുതരമായി പരിക്കേറ്റ യുവാവിനെ സുഹൃത്തുക്കള്‍ ചേര്‍ന്ന് ഉടന്‍ തന്നെ തിരുവനന്തപുരം മെഡിക്കല്‍ കോളേജാശുപത്രിയില്‍ പ്രവേശിപ്പിച്ചു.
വിവരം അറിഞ്ഞെത്തിയ പൊലീസ് ആക്രമണത്തിന് ശേഷം രക്ഷപ്പെട്ട മഹേഷിനെ പ്രദേശത്ത് നടത്തിയ തെരച്ചിലിനൊടുവില്‍ പിടികൂടുകയായിരുന്നു. കിളിമാനൂര്‍ പൊലീസ് സ്റ്റേഷനിലെ നിരവധി ക്രിമിനല്‍ കേസിലെ പ്രതിയും റൗഡി ലിസ്റ്റില്‍ ഉള്‍പ്പെട്ടിട്ടുള്ള ആളുമാണ് മഹേഷ് . ഇയാള്‍ക്കെതിരേ കാപ്പ ചുമത്തുന്നതിനുള്ള നടപടി ക്രമങ്ങള്‍ പുരോഗമിക്കുന്ന
തിനിടെയാണ് വധശ്രമ കേസില്‍ പിടിയിലാവുന്നത്.
ആറ്റിങ്ങല്‍ കോടതിയില്‍ ഹാജരാക്കിയ പ്രതിയെ റിമാന്റ് ചെയ്തു.കഴിഞ്ഞ ദിവസം രാത്രി 8 മണിയോടെണ് കേസിന് ആസ്പദമായ സംഭവം.
