ഏഴു വയസ്സുകാരിയെ പീഡിപ്പിച്ച കേസില്‍ മദ്രസാ അധ്യാപകനെ പൊലീസ് അറസ്റ്റ് ചെയ്തു. മലപ്പുറം പാണ്ടിക്കാട് സ്വദേശി ഹംസയാണ് പിടിയിലായത്. കൊച്ചിയില്‍ നിന്നാണ് ഇയാളെ പൊലീസ് പിടികൂടിയത്. രണ്ട് മാസം മുമ്പായിരുന്നു കേസിന് ആസ്പദമായ സംഭവം നടന്നത്. മദ്രസാധ്യാപകന്റെ പീഡനത്തിന് ഇരയായ വിവരം കുട്ടി, സ്കൂളില്‍ വെച്ച് ടീച്ചറോട് പറയുകയായിരുന്നു. തുടര്‍ന്ന് സ്കൂള്‍ അധികൃതര്‍ അറിയിച്ചതനുസരിച്ച് ചൈല്‍ഡ് ലൈന്‍ പ്രവര്‍ത്തകര്‍ എത്തി മൊഴിയെടുത്ത ശേഷം പൊലീസിന് കൈമാറി. പിഡനവിവരം പുറത്തറിഞ്ഞതോടെ ഹംസ ഒളിവില്‍ കഴിയുകയായിരുന്നു. ഇതിനിടെയാണ് ഇന്ന് പിടിയിലായത്.
