ലക്നൗ : സമാജ് വാദി പാര്‍ട്ടി എം എല്‍ എയും സുഹൃത്തുക്കളും ചേര്‍ന്ന് മാനഭംഗപ്പെടുത്തിയെന്നാരോപിച്ച യുവതിയെ കൊല്ലപ്പെട്ട നിലയില്‍ കണ്ടെത്തി. മൃതദേഹം സുല്‍ത്താന്‍പുര്‍ ജയ്സിംഗ്പുരിലെ പ്രൈമറി സ്കൂളിനു സമീപത്താണ് കണ്ടെത്തിയത്. കഴുത്തില്‍ മുറിവുകളോടെയാണ് മൃതദേഹം കാണ്ടെത്തിയത്. യുവതിയെ ശ്വാസംമുട്ടിച്ച്‌ കൊന്നാതാവാമെന്ന് പോലീസ് സംശയിക്കുന്നു. സംഭവത്തില്‍ പോലീസ് അന്വേഷണം ആരംഭിച്ചു. എം എല്‍ എ അരുണ്‍ വര്‍മയും കൂട്ടാളികളും ഇപ്പോള്‍ ഒളിവിലാണ്. 2013 സെപ്റ്റംബറില്‍ അരുണ്‍ വര്‍മ്മയും കൂട്ടുകാരും ചേര്‍ന്ന് തന്നെ മാനഭംഗപ്പെടുത്തിയെന്നാണ് യുവതി ആരോപിച്ചത്. എം എല്‍ എ അരുണ്‍ വര്‍മ്മ നിലവില്‍ സുല്‍ത്താന്‍പുരിലെ എം എല്‍ എ സ്ഥാനാര്‍ഥിയാണ്.
