തിരുവനന്തപുരം: മാണി , സെൻകുമാർ വിഷയങ്ങളുടെ പശ്ചാത്തലത്തിൽ സിപിഎം സംസ്ഥാന സെക്രട്ടറിയേറ്റ് യോഗം ഇന്ന് നടക്കും. കോട്ടയത്ത് കേരള കോൺഗ്രസ്സുമായുണ്ടാക്കിയ കൂട്ടുകെട്ട് പ്രാദേശിക വിഷയം മാത്രമാണെന്ന് സിപിഎം ജില്ലാ നേതാക്കൾ പ്രതികരിച്ചിട്ടുണ്ടെങ്കിലും സംസ്ഥാന നേതൃത്വം ഇതുവരെ മാണി ബന്ധത്തെക്കുറിച്ച് പരസ്യ നിലപാടുകൾ പ്രഖ്യാപിച്ചിട്ടില്ല. പതിവ് പോലെ സിപിഐ മാണിയുമായുണ്ടാക്കിയ കൂട്ടുകെട്ടിൽ എതിർപ്പിലാണ്. വി.എസും എതിർപ്പറിയിച്ചിട്ടുണ്ട്. ഈ സാഹചര്യത്തിൽ ഇന്നത്തെ സെക്രട്ടറിയേറ്റ് പുതിയ സംഭവവികാസങ്ങൾ ചർച്ച ചെയ്യും. സെൻകുമാർ വിഷയം എങ്ങനെ കൈകൈാര്യം ചെയ്യണമെന്നതും യോഗം വിലയിരുത്തും.
