കൊളംബോ: ഇന്ത്യന്‍ പ്രധാനമന്ത്രി നരേന്ദ്ര മോദി രണ്ടുദിവസത്തെ ശ്രീലങ്കന്‍ സന്ദര്‍ശനത്തിനായി കൊളംബോയില്‍. ശ്രീലങ്കന്‍ പ്രധാനമന്ത്രി റണീല്‍ വിക്രമസിങ്കെയും മറ്റ് പ്രമുഖരും പ്രധാനമന്ത്രിയെ സ്വാഗതം ചെയ്തു. കഴിഞ്ഞ രണ്ടു വര്‍ഷത്തിനിടയില്‍ രണ്ടാമത്തെ ഉഭയകക്ഷി സന്ദര്‍ശനമാണ് നടക്കുന്നത്. 2015ലാണ് ഇതിന് മുന്‍പ് ശ്രീലങ്കയില്‍ സന്ദര്‍ശനം നടത്തിയത്. ശ്രീലങ്കയുമായുള്ള ശക്തമായ ബന്ധത്തിന്റെ തെളിവാണിതെന്ന് മോദി പറഞ്ഞു. നാളെ കൊളംബോയില്‍ നടക്കുന്ന അന്താരാഷ്ട്ര വ്യസാഖ് ദിനാഘോഷങ്ങളില്‍ പങ്കെടുക്കുവാനാണ് മോദി എത്തിയിരിക്കുന്നത്. ശ്രീലങ്കയില്‍ ഇന്ത്യന്‍ സഹായത്തോടെ പണികഴിപ്പിച്ച ഡിക്കോയ ആശുപത്രിയുടെ ഉദ്ഘാടനവും മോദി നടത്തും.കൊളംബോയിലെ ഗംഗാരാമായ ക്ഷേത്രദര്‍ശനം നരേന്ദ്ര മോദി ഇന്ന് നടത്തി.
