തിരുവനന്തപുരം: കാര്‍ഷിക മേഖലയിലെ കടുത്ത പ്രതിസന്ധി കണക്കിലെടുത്ത് ഒരു ലക്ഷം രൂപ വരെയുള്ള കാര്‍ഷിക കടങ്ങള്‍ എഴുതിത്തള്ളാനുള്ള നടപടിയെടുക്കണമെന്ന് കെപിസിസി ആവശ്യപ്പെട്ടു. ഇതേക്കുറിച്ച്‌ സര്‍ക്കാരുമായി ചര്‍ച്ച നടത്തുമെന്നും കെപിസിസി അധ്യക്ഷന്‍ എംഎം ഹസന്‍ അറിയിച്ചു. തിരുവനന്തപുരത്ത് പത്രസമ്മേളനത്തിനിടയിലാണ് ഹസന്‍ ഇക്കാര്യം അറിയിച്ചത്.
കാര്‍ഷിക മേഖല പ്രതിസന്ധിയിലായതോടെ രാജ്യമെമ്ബാടും കര്‍ഷക ആത്മഹത്യ പെരുകുകയാണ്. കേരളത്തിലെ വിളകള്‍ക്കും വിലയില്ലാത്ത സ്ഥിതിയാണെന്നും അദ്ദേഹം പറഞ്ഞു. സ്വകാര്യ ചടങ്ങുകളില്‍ മദ്യം വിളമ്ബാന്‍ അനുമതി വേണ്ടെന്ന ഹൈക്കോടതി വിധി മദ്യപാനത്തിന് മാത്രമേ സഹായിക്കൂവെന്നും എംഎം ഹസന്‍ വിമര്‍ശിച്ചു.
