മക്ക: മക്കയിലെ ഹോട്ടലിലെ വന്‍ തീപിടിത്തം. 600 തീര്‍ത്ഥാടകരെ ഒഴിപ്പിച്ചു. 15 നിലകളുള്ള ഹോട്ടലിലാണ് തീപിടിത്തം ഉണ്ടായത്. തുര്‍ക്കിയില്‍ നിന്നും യെമനില്‍ നിന്നുമുള്ള തീര്‍ത്ഥാടകരാണ് ഹോട്ടലില്‍ ഉണ്ടായിരുന്നത്. ആളപായം ഉള്ളടായി റിപ്പോര്‍ട്ട് ചെയ്തിട്ടില്ല. അഗ്നിബാധ നിയന്ത്രണ വിധേയമാണെന്ന് മക്കയിലുള്ള സൗദി സിവില്‍ ഡിഫന്‍സ് ജനറല്‍ ഡിപ്പാര്‍ട്മെന്റ് വക്താവ് മേജര്‍ നയിഫ് അല്‍ ഷരീഫ് അറിയിച്ചു. കെട്ടിടത്തിന്റെ എട്ടാം നിലയിലെ എയര്‍ കണ്ടീഷനില്‍നിന്നു തീ പടര്‍ന്നതാണ് അപകടമുണ്ടാക്കിയത്. മുന്‍കരുതലെന്ന നിലയിലാണ് ആളുകളെ ഒഴിപ്പിച്ചതെന്ന് അറബ് ന്യൂസ് റിപ്പോര്‍ട്ട് ചെയ്തു.
