തിരുവനന്തപുരം : കേരളത്തിലൈത്തിയ ഷാര്‍ജ ഭരണാധികാരി ഡോ. ഷെയ്ഖ് സുല്‍ത്താന്‍ ബിന്‍ മുഹമ്മദ് അല്‍ഖാസിമി ഇന്ന് മുഖ്യമന്ത്രി പിണറായി വിജയനുമായി കൂടിക്കാഴ്ച നടത്തും. രാവിലെ 10.25 ന് മുഖ്യമന്ത്രിയുടെ ഔദ്യോഗിക വസതിയായ ക്ലിഫ് ഹൗസിലെത്തിയാണ് കൂടിക്കാഴ്ച നടത്തുന്നത്.
തുടര്‍ന്ന് യുഎഇ സുപ്രീം കൗണ്‍സില്‍ അംഗം കൂടിയായ അദ്ദേഹത്തിന്റെ ബഹുമാനാര്‍ത്ഥം കലിക്കറ്റ് സര്‍വകലാശാല ഇന്ന് ഡി ലിറ്റ് ബിരുദം നല്‍കി ആദരിക്കുന്ന ചടങ്ങ് നടക്കും. രാജ്ഭവനില്‍ രാവിലെ 11 ന് നടക്കുന്ന ചടങ്ങില്‍ ചാന്‍സലര്‍കൂടിയായ ഗവര്‍ണര്‍ പി സദാശിവം ഡിലിറ്റ് ദാനം നിര്‍വഹിക്കും.
