കൊച്ചി: കൊച്ചി മെട്രോയുടെ പാലാരിവട്ടം മുതല്‍ മഹാരാജാസ് ഗ്രൗണ്ട് വരെയുള്ള സര്‍വ്വീസിന് നാളെ തുടക്കം. ഉദ്ഘാടന ചടങ്ങുകള്‍ ചൊവ്വാഴ്ച്ച രാവിലെ പതിനൊന്നു മണിക്ക് ടൗണ്‍ ഹാളില്‍ വച്ച് നടക്കും. ജവഹര്‍ലാല്‍ നെഹ്റു സ്റ്റേഡിയത്തില്‍ മുഖ്യമന്ത്രിയും കേന്ദ്ര മന്ത്രി ഹര്‍ ദീപ് സിങ് പൂരിയും ചേര്‍ന്ന് സര്‍വ്വീസ് ഫ്ളാഗ് ഓഫ് ചെയ്യും. മെട്രോ സര്‍വ്വീസ് ഉദ്ഘാടനം ചെയ്തതായി മുഖ്യമന്ത്രി അറിയിച്ച ഉടന്‍ മെട്രോ ജനങ്ങള്‍ക്കായി തുറന്ന് കൊടുക്കാനുള്ള രീതിയിലുള്ള ക്രമീകരണം ഒരുക്കിയിട്ടുണ്ടെന്ന് കെ.എം.ആര്‍.എല്‍ എംഡി ഏലിയാസ് ജോര്‍ജ് അറിയിച്ചു.
