മുക്കം: ഗെയില്‍ വാതക പൈപ്പ് ലൈന്‍ സ്ഥാപിക്കുന്നതിനെതിരേ സമര സമിതി മുക്കത്ത് നടത്തിയ സമരവുമായി ബന്ധപ്പെട്ടു രണ്ടാം ദിനത്തിലും സംഘര്‍ഷം. നേരത്തേ ബുധനാഴ്ച സമരക്കാര്‍ക്കു നേരെ പോലീസിന്റെ ലാത്തിച്ചാര്‍ജ് ഉണ്ടായിരുന്നു. ഇന്ന് സമരക്കാര്‍ മുക്കത്തെ പ്രധാന പാതകളെല്ലാം ഉപരോധിച്ചിരുന്നു. ഇതു നീക്കാന്‍ പോലീസ് എത്തിയതാണ് സംഘര്‍ഷത്തില്‍ കലാശിച്ചത്. തുടര്‍ന്ന് സമരക്കാര്‍ പോലീസിനു നേരെ കല്ലെറിയുകയായിരുന്നു. കല്ലേറില്‍ മുക്കം എസ്‌ഐ അഭിലാഷിന്റെ കൈക്കു പരിക്ക് പറ്റിയിട്ടുണ്ട്.പോലീസിനു നേരെ കല്ലെറിഞ്ഞ സമരക്കാര്‍ സമീപത്തുള്ള വീടുകളില്‍ കയറിയൊളിക്കുകയായിരുന്നു. തുടര്‍ന്ന് പോലീസ് വീടുകളില്‍ കയറി ഇവരെ കസ്റ്റഡിയിലെടുത്തു.
