കൊല്ലം : പ്രമുഖ കവി കുരീപ്പുഴ ശ്രീകുമാറിനെ കൈയ്യേറ്റം ചെയാന്‍ ശ്രമിച്ച സംഭവത്തില്‍ ഏഴ് ആര്‍എസ്‌എസ് പ്രവര്‍ത്തകരെ പോലീസ് പിടികൂടി. ആക്രമണവുമായി ബന്ധപ്പെട്ട് കര്‍ശന നടപടിയെടുക്കാന്‍ മുഖ്യമന്ത്രിയുടെ ഓഫീസ് പോലീസിന് നിര്‍ദ്ദേശം നല്‍കിയിരുന്നു. ഇതിനെ തുടര്‍ന്നാണ് അറസ്റ്റ്. പഞ്ചായത്തംഗമായ ദീപു,മനു, ശ്യാം,ലൈജു,കിരണ്‍, വിഷ്ണു, സുജിത് എന്നിവരാണ് പിടിയിലായത്. സംഭവവുമായി ബന്ധപ്പെട്ട് കണ്ടാലറിയാവുന്ന 15 ആര്‍എസ്‌എസ് പ്രവര്‍ത്തകര്‍ക്കെതിരേ കടയ്ക്കല്‍ പോലീസ് നേരത്തെ കേസെടുത്തിരുന്നു. കൊല്ലം കടയ്ക്കല്‍ കോട്ടുങ്കലില്‍ ഒരു വായനശാല സംഘടിപ്പിച്ച പൊതുയോഗത്തില്‍ പ്രസംഗിക്കവെ വടയമ്ബാടി ജാതി മതില്‍ സമരത്തെക്കുറിച്ച്‌ സംസാരിച്ചിരിന്നു. ഇതിനെ തുടര്‍ന്നാണ് തിങ്കളാഴ്ച രാത്രി കുരീപ്പുഴ ശ്രീകുമാറിന് നേരെ ആക്രമണം ഉണ്ടായത്.
