തിരുവനന്തപുരം : ചാര്‍ജ് വര്‍ധന ആവശ്യപ്പെട്ടല്ല സംസ്ഥാനത്ത് വെള്ളിയാഴ്ച മുതല്‍ ആരംഭിച്ച അനിശ്ചിതകാല ബസ് പണിമുടക്കെന്ന് ബസുടമകള്‍. മിനിമം ചാര്‍ജ് 10 രൂപയാക്കണമെന്ന് ആവശ്യപ്പെട്ടല്ലെന്നും ബസ് ഓപ്പറേറ്റേഴ്സ് ഫെഡറേഷന്‍ അറിയിച്ചു. ജസ്റ്റിസ് രാമചന്ദ്രന്‍ കമ്മീഷന്‍ റിപ്പോര്‍ട്ട് പൂര്‍ണമായും നടപ്പാക്കണമെന്ന് ആവശ്യപ്പെട്ടാണ് സമരമെന്നും, സ്വാശ്രയ കോളെജുകളിലെ വിദ്യാര്‍ഥികളെ ഇളവില്‍ നിന്ന് ഒഴിവാക്കണമെന്നും സംഘടനാ ഭാരവാഹികള്‍ അറിയിച്ചു.
