തിരുവനന്തപുരം : കേരളകൌമുദി ചീഫ് എഡിറ്റര്‍ എം.എസ്.രവി (68) അന്തരിച്ചു. ഇന്ന് ഉച്ചയ്ക്ക് 2.50ന് തിരുവനന്തപുരത്തെ സ്വകാര്യ ആശുപത്രിയിൽ വച്ചായിരുന്നു അദ്ദേഹത്തിന്റെ അന്ത്യം. സംസ്കാരം പിന്നീട്. പത്രാധിപര്‍ കെ.സുകുമാരന്‍റെ ഇളയമകനാണ് എം.എസ്.രവി. ശൈലജയാണ് ഭാര്യ. കേരളകൌമുദി എഡിറ്റര്‍ ദീപു രവി, മാര്‍ക്കറ്റിംഗ് ഡയറക്ടര്‍ ദര്‍ശന്‍ രവി എന്നിവര്‍ മക്കളാണ്. കലാകൌമുദി സ്ഥാപകപത്രാധിപര്‍ എം.എസ്.മണി, പരേതരായ എം.എസ്.മധുസൂദനന്‍, എം.എസ്.ശ്രീനിവാസന്‍ എന്നിവര്‍ സഹോദരങ്ങളാണ്.
