വരാപ്പുഴ: വരാപ്പുഴയില്‍ പൊലീസ് കസ്റ്റഡിയില്‍ ശ്രീജിത്ത് മരിച്ച സംഭവത്തില്‍ വരാപ്പുഴ എസ്‌ഐ ദീപക് അറസ്റ്റില്‍. ഐജി ശ്രീജിത്തിന്റെ നേതൃത്വത്തിലുള്ള പൊലീസ് സംഘമാണ് ദീപകിനെ അറസ്റ്റു ചെയ്തത്.കേസില്‍ ദീപക് നാലാം പ്രതിയാണ്. കേസില്‍ ഐ.ജി എസ്. ശ്രീജിത്ത് അടക്കമുള്ള ഉന്നത ഉദ്യോഗസ്ഥരാണ് ദീപക്കിനെ ചോദ്യം ചെയ്തത്. ആലുവ പൊലീസ് ക്ലബില്‍ വിളിച്ചുവരുത്തിയാണു അറസ്റ്റു ചെയ്തത്. എട്ടുമണിക്കൂര്‍ ചോദ്യം ചെയ്യലിനുശേഷമാണ് അറസ്റ്റ്.
