ന്യൂഡല്ഹി: മുന് പ്രധാനമന്ത്രി അടല്ബിഹാരി വാജ്പേയിയെ പ്രധാനമന്ത്രി നരേന്ദ്ര മോദി ആശുപത്രിയിലെത്തി സന്ദര്ശിച്ചു. ഞായറാഴ്ച രാത്രി ഒന്പതോടെയാണ് പ്രധാനമന്ത്രി എയിംസ് ആശുപത്രിയിലെത്തിയത്. അപ്രതീക്ഷിതമായിട്ടായിരുന്നു പ്രധാനമന്ത്രിയുടെ സന്ദര്ശനം. വാജ്പേയിയുടെ ആരോഗ്യ വിവരങ്ങള് തിരക്കിയ പ്രധാനമന്ത്രി അരമണിക്കൂറോളം അവിടെ ചെലവഴിച്ച ശേഷമാണ് മടങ്ങിയത്.
