തിരുവനന്തപുരം : തമലം ശ്രീ രാജ രാജേശ്വരി ക്ഷേത്രത്തില് വൻ കവര്ച്ച. മുഖച്ചാര്ത്തും ആടയാഭരണങ്ങളും മോഷണം പോയി. നഷ്ടപ്പെട്ട തിരുവാഭരണങ്ങളുടെ മൂല്യം തിട്ടപ്പെടുത്തിയിട്ടില്ല. ക്ഷേത്രത്തിലെ സിസിടിവി തകര്ത്ത നിലയിലാണ്. സിസിടിവി നശിപ്പിച്ച ശേഷമാണ് മോഷണം നടന്നതെന്നാണ് നിഗമനം.
പൂജാരി രാവിലെ നട തുറക്കാനെത്തിയപ്പോഴായാണ് മോഷണം ശ്രദ്ധയില്പ്പെട്ടത്. കരമന പോലീസ് അന്വേഷണം ആരംഭിച്ചു.
