ന്യൂഡല്‍ഹി: ആഭ്യന്തര, അന്താരാഷ്ട്ര സര്‍വീസുകള്‍ക്ക് ടിക്കറ്റ് ഇളവ് പ്രഖ്യാപിച്ച്‌ ഗോ എ‍യര്‍. ആഭ്യന്തര യാത്രകള്‍ക്ക് 1,099 രൂപ മുതലും അന്താരാഷ്ട്ര യാത്രകള്‍ക്ക് 4,999 രൂപ മുതലുമാണ് ടിക്കറ്റ് നിരക്ക്. മാര്‍ച്ച്‌ രണ്ടു മുതല്‍ സെപ്റ്റംബര്‍ ഒന്നുവരെയുള്ള ആകാശയാത്രകള്‍ക്കാണ് ഓഫര്‍.
കണ്ണൂര്‍ -ബാംഗ്ലൂര്‍ യാത്രയ്ക്ക് 1,999 രൂപയ്ക്ക് ടിക്കറ്റ് ബുക്ക് ചെയ്യാം. കണ്ണൂരില്‍ നിന്ന് മുംബൈയിലേക്ക് 3,399 രൂപയ്ക്ക് യാത്ര ചെയ്യാം. അഹമ്മദാബാദ്-കൊച്ചി യാത്രയ്ക്ക് 2,499 രൂപയാണ് വിമാന ടിക്കറ്റ് നിരക്ക്. മാര്‍ച്ച്‌ രണ്ടു മുതല്‍ നാലുവരെ ഓഫര്‍ ബുക്കിംഗ് ചെയ്യാം. ഗോ എയറിന്‍റെ ഔദ്യോഗിക വെബ്സൈറ്റായ goair.in ല്‍ ടിക്കറ്റ് ബുക്ക് ചെയ്യാന്‍ സാധിക്കും.
