കാസറകോട് : മഹാത്മാഗാന്ധിയുടെ 150-മത് ജന്മവാര്‍ഷികാഘോഷങ്ങളുടെ ഭാഗമായി വക്കം മൗലവി ഫൗണ്ടേഷന്‍, നെഹ്റു യുവ കേന്ദ്ര എന്നിവയുടെ ആഭിമുഖ്യത്തില്‍ പ്രബന്ധമത്സരം സംഘടിപ്പിക്കുന്നു.’സുസ്ഥിര വികസനം, ഗ്രാമസഭകളിലൂടെ – യുവാക്കളുടെ പങ്ക്’ എന്നതാണ് വിഷയം. 18 നും 35 നും ഇടയില്‍ പ്രായമുള്ളവര്‍ക്കു പങ്കെടുക്കാം. 10 പേജില്‍ കുറയാത്തതും 15പേജില്‍ കവിയാത്തതുമായ രചനകള്‍ ഫെബ്രുവരി അഞ്ചിനകം ലഭിക്കണം.
തിരഞ്ഞെടുക്കപ്പെടുന്ന 10 മത്സരാര്‍ത്ഥികളെ പങ്കെടുപ്പിച്ചുള്ള സിമ്പോസിയം ഫെബ്രുവരി 15 നു രാവിലെ 10 ന് വക്കം മൗലവി ഫൗണ്ടേഷന്‍ ഹാളില്‍ നടക്കും. വിജയികള്‍ക്ക് ക്യാഷ് അവാര്‍ഡ്, മൊമെന്റോ, പുസ്തകങ്ങളും സര്‍ട്ടിഫിക്കറ്റും സമ്മാനിക്കും. രചനകള്‍ ചെയര്‍മാന്‍, വക്കം മൗലവി ഫൗണ്ടേഷന്‍, വക്കം ഫൗണ്ടേഷന്‍ റോഡ് തിരുവനന്തപുരം -695035 എന്ന വിലാസത്തില്‍ അയക്കണം. ഫോണ്‍: 8330841099
