തളിപ്പറമ്ബ് • രണ്ടു ദിവസം മുന്‍പു കുപ്പം പുഴയില്‍ കാണാതായ യുവാവിന്റെ മൃതദേഹം കണ്ടെത്തി. മുക്കുന്ന് എം.എ.അഷറഫിന്റെ (30) മൃതദേഹമാണ് ഇന്നു പുലര്‍ച്ചെ കണ്ടെത്തിയത്. മൂന്നിനു വൈകിട്ടാണ് കുപ്പം കാരോട് പുഴയില്‍ കൂട്ടുകാര്‍ക്കൊപ്പം കുളിക്കാനിറങ്ങിയ അഷറഫിനെ കാണാതായത്. തുടര്‍ന്നു രണ്ടു ദിവസമായി അഗ്നിശമന സേനയുടെയും നാട്ടുകാരുടെയും നേതൃത്വത്തില്‍ തിരച്ചില്‍ നടത്തി വരികയായിരുന്നു.
ചുമട്ട് തൊഴിലാളിയാണ് അഷറഫ്. ഭാര്യ: സുമയ്യ. മക്കള്‍: ഫാത്തിമ, സീമന.
