വഡോദര: ഇന്ത്യൻ ഓൾറൗണ്ടർ യൂസഫ് പത്താൻ ആഭ്യന്തര, രാജ്യാന്തര ക്രിക്കറ്റിൽനിന്നും വിരമിച്ചു. ട്വിറ്ററിലൂടെയാണ് പത്താൻ വിരമിക്കൽ തീരുമാനം അറിയിച്ചത്.
ക്രിക്കറ്റിന്‍റെ എല്ലാ ഫോർമാറ്റുകളിൽനിന്നും വിരമിക്കുകയാണെന്ന് പത്താൻ അറിയിച്ചു.
57 ഏകദിനങ്ങളിൽ ഇന്ത്യൻ കുപ്പായമണിഞ്ഞ പത്താൻ 113.60 സ്ട്രൈക് റേറ്റിൽ 810 റൺസ് നേടി. രണ്ട് സെഞ്ചുറികളും മൂന്ന് അർധസെഞ്ചുറികളുമാണ് ഏകദിനത്തിൽ പത്താന്‍റെ സമ്പാദ്യം.
ട്വന്‍റി 20 യിൽ 22 മത്സരങ്ങളാണ് ഇന്ത്യക്കായി പത്താൻ കളിച്ചത്. 146.58. സ്ട്രൈക് റേറ്റിൽ 236 റൺസ് സ്വന്തമാക്കി.
2007 ട്വന്‍റി 20, 2011 ഏകദിന ലോകകപ്പ് നേടിയ ടീമിൽ അംഗമായിരുന്നു.
