ബംഗളൂരു: രാജ്യത്ത് അടിക്കടി കുതിച്ചുയരുന്ന ഇന്ധനവില വര്‍ധനക്കെതിരെ കോണ്‍ഗ്രസിന്‍റെ രാജ്യവ്യാപക പ്രതിഷേധത്തിന് നേതൃത്വം നല്‍കിയ കര്‍ണാടക മുന്‍ മുഖ്യമന്ത്രി സിദ്ധരാമയ്യയും കോണ്‍ഗ്രസ് പ്രസിഡന്‍റ് ഡി.കെ. ശിവകുമാറും പൊലീസ് കസ്റ്റഡിയില്‍. ലഖ്നോവില്‍ യുപി കോണ്‍ഗ്രസ് കമ്മിറ്റി പ്രസിഡന്‍റ് അജയ് ലല്ലു പ്രസാദിനെ പൊലീസ് വീട്ടുതടങ്കലിലാക്കി.
രാജ്യത്തെ ഇന്ധനവിലക്കയറ്റത്തിനെതിരെ കോണ്‍ഗ്രസ് രാജ്യവ്യാപകമായ പ്രതിഷേധം സംഘടിപ്പിച്ചിരുന്നു. പെട്രോള്‍ പമ്ബുകള്‍ക്ക് മുമ്ബിലായിരുന്നു പ്രതിഷേധം നടത്തിയത് .പ്രതിഷേധത്തില്‍ ചേരുന്നതിന് മുന്നോടിയായാണ് അജയ് ലല്ലുവിനെ വീട്ടുതടങ്കലിലാക്കിയതെന്ന് പാര്‍ട്ടി ട്വീറ്റ് ചെയ്തു.
കര്‍ണാടക കോണ്‍ഗ്രസ് പ്രദേശ് കമ്മിറ്റിയുടെ നേതൃത്വത്തില്‍ സംസ്ഥാനത്ത് 100 നോട്ട് ഔട്ട് കാമ്ബയിന്‍ ആരംഭിച്ചു. ജൂണ്‍ 11 മുതല്‍ 15വരെയാണ് കാമ്ബയിന്‍ സംഘടിപ്പിക്കുക. ഇതിന്‍റെ ഭാഗമായി സംസ്ഥാനത്തെ 5000 പെട്രോള്‍ പമ്ബുകള്‍ക്ക് മുമ്ബില്‍ പ്രതിഷേധം സംഘടിപ്പിക്കുമെന്നും ഡി.കെ. ശിവകുമാര്‍ പ്രതികരിച്ചു .
