ന്യൂ ഡല്‍ഹി : പാന്‍ കാര്‍ഡ് ആധാറുമായി ബന്ധിപ്പിക്കാനുള്ള സമയപരിധി നീട്ടി. ഡിസംബര്‍ 31വരെ യാണ് സമയ പരിധി നീട്ടി നല്‍കിയത്. സ്വകാര്യത മൗലികാവകാശമാണെന്ന സുപ്രീം കോടതി വിധിയുടെ പശ്ചാത്തലത്തിലാണ് ഇത്തരമൊരു നടപടിക്ക് കേന്ദ്രസര്‍ക്കാര്‍ ഒരുങ്ങുന്നതെന്നാണ് സൂചന. നിലവില്‍ ഓഗസ്റ്റ് 31 വരെയാണ് അവസാന തിയതിയായി നിശ്ചയിച്ചിട്ടുള്ളത്. മുന്‍പ് ജൂലൈ 31 വരെ അവസാന തിയതിയായി നിശ്ചയിച്ചിരുന്നെങ്കിലും പിന്നീട് അത് ഓഗസ്റ്റ് അഞ്ചുവരെയും ശേഷം ഓഗസ്റ്റ് മുപ്പത്തൊന്നിലേക്കും നീട്ടിയിരുന്നു.
