അബുദാബി: അബുദാബി മഞ്ചേശ്വരം മണ്ഡലം കെ എം സി സി യുടെ 2022 -25 വർഷത്തേക്കുള്ള പുതിയ കമ്മിറ്റിയുടെ പ്രവർത്തനോത്ഘാടനവും അബുദാബി എൽ എൽ എച് ഹോസ്പിറ്റലുമായി സഹകരിച് സൗജന്യ മെഡിക്കൽ ക്യാമ്പും അബുദാബി ഇലക്ട്ര സ്ട്രീറ്റിലുള്ള എൽ .എൽ .എച് ഹോസ്പിറ്റലിൽ വെച്ച് നടന്നു.
ഞായറാഴ്ച രാവിലെ 9.30 നു ആരംഭിച്ച് വൈകു ന്നേരം 5 മണിയോട് കൂടി സമാപിച്ച സൗജന്യ മെഡിക്കൽ ക്യാമ്പിൽ 150 ഓളം പേർ ചികിൽസ തേടിയെത്തി. തുടർന്ന് നടന്ന മഞ്ചേശ്വരം മണ്ഡലം കെ എം സി സി 2022-23 വർഷത്തേക്കുള്ള പുതിയ കമ്മിറ്റിയുടെ പ്രവർത്തനോത്ഘാടനം മണ്ഡലം പ്രസിഡന്റ് അസിസ് പെർമുദെയുടെ അധ്യക്ഷധയിൽ കെ എം സി സി കാസറഗോഡ് ജില്ലാ ജനറൽ സെക്രട്ടറി പി കെ അഷ്‌റഫ് സാഹിബ് ഉദ്ഘാടനം നിർവഹിച്ചു.
കെ എം സി സി കാസറഗോഡ് ജില്ലാ ട്രെഷറർ ഉമ്പു ഹാജി പെർള ,ജില്ലാ സെക്രട്ടറിമാരായ അഷ്‌റഫ് ഉളുവാർ ,സത്താർ കുന്നുംകൈ .മുൻ ജില്ലാ സെക്രട്ടറിമാരായ അനീസ് മാങ്ങാട് ,ഹനീഫ് ചള്ളങ്കയം തുടങ്ങിയവർ പ്രസംഗിച്ചു .മണ്ഡലം സെക്രട്ടറി ഷാ ബന്ദിയോട് സ്വാഗതവും ട്രെഷറർ ഖാലിദ് ബംബ്രാണ നന്ദിയും പറഞ്ഞു .
മണ്ഡലം ഭാരവാഹികളായ ഷെരീഫ് ഉറുമി ,അബ്ദുൽ റഹിമാൻ ഹാജി കംബള , സവാദ് ബന്തിയോട് , സുനൈഫ് പേരാൽ ,റസാഖ് നൽക്ക , ലത്തീഫ് ഈറോഡി , പഞ്ചായത്തു ഭാരവാഹികളായ അഷറഫ് ബസറ , ഹമീദ് മാസിമാർ ,തസ്‌ലീം ആരിക്കാടി ,സകീർ കമ്പാർ ,റഫീഖ് കുമ്പള ,മുനീർ ബത്തേരി ,അസിസ് കന്തൽ ,ഖാദർ ഉപ്പള തുടങ്ങിയവർ ചടങ്ങിൽ സംബന്ധിച്ചു .
മെഡിക്കൽ ക്യാമ്പിൽ പങ്കെടുത്തവർക്കുള്ള എൽ .എൽ .എച് പ്രിവിലേജ് കാർഡുകൾ എൽ .എൽ. എച് ഹോസ്പിറ്റൽ ഡോക്ടർ റിയാസ് ഇബ്രാഹിമും റിലേഷൻ ഷിപ് ഓഫീസർ അബ്ദുൽ സലിം നാട്ടികയും ചേർന്ന് മണ്ഡലം പ്രസിഡന്റ് അസിസ് പെർമുദെക്ക്‌ കൈമാറി.
