മാവേലിക്കര: ബസും ബൈക്കും കൂട്ടിയിടിച്ചുണ്ടായ അപകടത്തില്‍ പ്ലസ്ടു വിദ്യാര്‍ഥി മരിച്ചു. കായംകുളം- പുനലൂര്‍ റോഡില്‍ നൂറനാട് പത്താംകുറ്റി ജംഗ്ഷനു സമീപമാണ് അപകടം നടന്നത്. അടൂര്‍ പഴകുളം കോട്ടപ്പുറം ആലുംമൂട് കുറ്റിവിള കിഴക്കേതില്‍ ഷാജിയുടെ മകന്‍ ആഷിഖ് (17) ആണ് മരിച്ചത്. ആഷിഖ് അടൂര്‍ ഹയര്‍ സെക്കന്‍ഡറി സ്കൂള്‍ പ്ലസ്ടു വിദ്യാര്‍ഥിയായിരുന്നു. സംഭവത്തില്‍ അടൂര്‍ ഇളംപ്പള്ളി സ്വദേശി പ്ലസ് വണ്‍ വിദ്യാര്‍ഥി നിയാസിന് (16) ഗുരുതരമായി പരിക്കേറ്റിട്ടുണ്ട്. നിയാസ് ആലപ്പുഴ വണ്ടാനം മെഡിക്കല്‍ കോളജ് ആശുപത്രിയില്‍ ചികിത്സയിലാണ്.
