പൊള്ളാച്ചി: തമിഴ്നാട്ടിലെ പൊള്ളാച്ചിയിലുണ്ടായ വാഹനാപകടത്തില്‍ കാണാതായ യുവാവിന്‍റെ മൃതദേഹം കണ്ടെത്തി. കനാലില്‍വീണു കാണാതായ റിജോയുടെ മൃതദേഹം തെരച്ചിലിലാണ് കണ്ടെത്തിയത്. ഞായറാഴ്ച രാവിലെ ഏഴരയ്ക്ക് ഉദുമലയ്ക്കു സമീപം മലയാളികള്‍ സഞ്ചരിച്ച കാര്‍ നിയന്ത്രണംവിട്ടു കനാലിലേക്കു മറിയുകയായിരുന്നു. മരിച്ച മലയാളികളുടെ എണ്ണം നാലായി. അങ്കമാലി സ്വദേശികളായ ജാക്സണ്‍, ജിതിന്‍ ജോയ്, അമല്‍ എന്നിവരാണു നേരത്തെ മരിച്ചതായി സ്ഥിരീകരിച്ചത്. മൂന്നാറില്‍നിന്നു പൊള്ളാച്ചിയിലേക്കു പോകുകയായിരുന്നു ഇവര്‍. കാറിലുണ്ടായിരുന്ന ഒരാള്‍ രക്ഷപ്പെട്ടു. അങ്കമാലി മഞ്ഞപ്ര സ്വദേശി ആല്‍ഫയാണു രക്ഷപെട്ടത്. കാറില്‍ അഞ്ചുപേര്‍ ഉണ്ടായിരുന്നു.
