അങ്കമാലി : അങ്കമാലിയില്‍ കാറും ബൈക്കും കൂട്ടിയിടിച്ച് ബൈക്ക് യാത്രക്കാരൻ മരിച്ചു. കൊടുങ്ങല്ലൂര്‍ ചൂളക്കടവില്‍ ബീരാവുണ്ണിയുടെ മകന്‍ മജീദ് (55) ആണ് മരിച്ചത്. നെടുമ്പാശേരി മറ്റൂര്‍ റോഡില്‍ ചെത്തിക്കോടില്‍ വച്ച് രാവിലെയാണ് അപകടം നടന്നത്. പെരുമ്പാവൂരിലെ പ്ലൈവുഡ് കമ്പനിയിലെ ജീവനക്കാരനാണ് മജീദ്. വീട്ടില്‍ നിന്നും ജോലിക്കും പോകും വഴിയാണ് അപകടമുണ്ടായത്. മൃതദേഹം അങ്കമാലിയിലെ സ്വകാര്യ ആശുപത്രി മോര്‍ച്ചറിയിലാണ്. ഭാര്യ: സീനത്ത്. മക്കള്‍: മന്‍സൂര്‍, സിജിനി.
