കാസര്‍കോട് : കാറും ലോറിയും കൂട്ടിയിടിച്ച് യുവാവ്‌ മരിച്ചു. ചൗക്കി കല്ലങ്കൈയില്‍ ഞായറാഴ്ച രാവിലെ 8.45 മണിയോടെയാണ് അപകടമുണ്ടായത്. ടൗണിലേക്ക് സാധനങ്ങള്‍ വാങ്ങാനായി പോവുകയായിരുന്ന മൊഗ്രാല്‍ പുത്തൂര്‍ കുന്നിലിലെ അബൂബക്കറിന്റെ മകന്‍ സജീര്‍ (27) ആണ് മരിച്ചത്.സജീര്‍ ഓടിച്ചിരുന്ന കാറില്‍ കണ്ണൂരില്‍ നിന്നും മംഗളൂരു ഭാഗത്തേക്ക് പോവുകയായിരുന്ന ടാങ്കര്‍ ലോറിയിടിക്കുകയായിരുന്നു. ഇടിയുടെ ആഘാതത്തില്‍ കാര്‍ പൂര്‍ണമായും തകര്‍ന്നു. അപകടത്തില്‍ ലോറി ഡ്രൈവര്‍ക്കും പരിക്കേറ്റു. പരിക്കേറ്റ ലോറി ഡ്രൈവറെ ആശുപത്രിയില്‍ പ്രവേശിപ്പിച്ചു.
