തിരുവനന്തപുരം : ഐ.എച്ച്.ആർ.ഡിയുടെ കീഴിൽ മഹാത്മാ ഗാന്ധി സർവ്വകലാശാലയുമായി അഫിലിയേറ്റ് ചെയ്ത പയ്യപ്പാടിയിൽ (പുതുപ്പള്ളി 0481-2351631, 8547005040) പ്രവർത്തിക്കുന്ന അപ്ലൈഡ് സയൻസ് കോളേജിലേക്ക് പ്രവേശനത്തിന് അപേക്ഷ ക്ഷണിച്ചു. 2020-21 അദ്ധ്യയന വർഷത്തിൽ പുതുതായി അനുവദിച്ച ‘ബി.കോം ഫിനാൻസ് ആന്റ് ടാക്സേഷൻ’ കോഴ്സിൽ കോളേജിന് അനുവദിച്ച 50% സീറ്റുകളിലേക്കാണ് പ്രവേശനം. അപേക്ഷ http://ihrd.kerala.gov.in/cascap വെബ്സൈറ്റ് വഴി ഓൺലൈനായി സമർപ്പിക്കണം.
ഓൺലൈൻ അപേക്ഷയുടെ പ്രിന്റ് ഔട്ട്, നിർദ്ദിഷ്ട അനുബന്ധങ്ങളും, 350 രൂപ (എസ്.സി, എസ്.റ്റി 150 രൂപ) രജിസ്ട്രേഷൻ ഫീസ് ഓൺലൈനായി അടച്ച വിവരങ്ങളും സഹിതം കോളേജിൽ ലഭിക്കണം. ഓഫ് ലൈനായി അപേക്ഷിക്കുമ്പോൾ അപേക്ഷാ ഫോറം പൂരിപ്പിച്ച് കോളേജ് പ്രിൻസിപ്പാളിന്റെ പേരിൽ മാറാവുന്ന 350 രൂപയുടെ ഡിമാന്റ് ഡ്രാഫ്റ്റ് സഹിതം (എസ്.സി, എസ്.റ്റി 150 രൂപ) രജിസ്ട്രേഷൻ ഫീസായി അപേക്ഷിക്കാം.
തുക കോളേജിൽ നേരിട്ടും അടയ്ക്കാം. വിശദവിവരങ്ങൾക്ക് www.ihrd.ac.in സന്ദർശിക്കുക.
