കൊച്ചി : ലിസി ജങ്ഷനില്‍ ശനിയാഴ്ച പുലര്‍ച്ചെ മൂന്നു മണിക്കായിരുന്നു സംഭവം.മലപ്പുറം വേങ്ങര സ്വദേശികളായ യുവാക്കളുടെ മുഖത്ത് പെപ്പര്‍ സ്‌പ്രേ അടിച്ച്‌ ബൈക്കുമായി ട്രാന്‍സ്‌ജെന്‍ഡര്‍ അടക്കമുള്ള നാലംഗ സംഘം കടന്നുകളഞ്ഞു. യുവാക്കളെ മര്‍ദിച്ച്‌ അവശരാക്കി, അവരുടെ ഫോണും പേഴ്‌സുമുള്‍പ്പടെ കവരുകയും ചെയ്തു.
കൊച്ചിയില്‍ ഓണ്‍ലൈന്‍ ഭക്ഷണ വിതരണ ശൃംഖലയിലെ ജീവനക്കാരനായ യുവാവിനും സുഹൃത്തിനുമാണ് മര്‍ദനമെറ്റത് .ഇരുവരും പുലര്‍ച്ചെ ഭക്ഷണം കഴിച്ച്‌ മടങ്ങുന്നതിനിടെ റോഡരികില്‍ ട്രാന്‍സ്‌ജെന്‍ഡറെ കണ്ട് വാഹനം നിര്‍ത്തി. ഇവരോട് സംസാരിക്കുന്നതിനിടെ മൂന്നംഗ സംഘമെത്തി മുഖത്ത് കുരുമുളക് സ്‌പ്രേ അടിക്കുകയും യുവാക്കളെ മര്‍ദിച്ചു വീഴ്ത്തി ബൈക്കും ഫോണും പേഴ്സും മോഷ്ടിക്കുകയും ചെയ്തു .
