ലാസ് വേഗാസ്: അമേരിക്കയിലെ ലാസ് വേഗാസിലുണ്ടായ വെടിവെയ്പില്‍ മരിച്ചവരുടെ എണ്ണം 20 ആയി. നൂറോളം പേര്‍ക്ക് വെടിവെയ്പില്‍ പരിക്കേറ്റു . തിങ്കളാഴ്ച രാവിലെയായിരുന്നു സംഭവം. ലാസ് വേഗാസിലെ പ്രശസ്തമായ മാണ്ഡലെ ബേ കാസി ഹോട്ടലില്‍ സംഗീത പരിപാടി നടക്കുന്നതിനിടെയാണ് വെടിവെയ്പുണ്ടായിട്ടുള്ളത്. ലാസ് വേഗാസിലെ പ്രശസ്തമായ മാണ്ഡലെ ബേ കാസിനോയിലാണ് സംഗീത പരിപാടിയ്ക്കിടെ വെടിവെയ്പുണ്ടായിട്ടുള്ളത്. പോലീസ് ഉദ്യോഗസ്ഥരുള്‍പ്പെടെ നിരവധി പേര്‍ക്ക് പരിക്കേറ്റതായാണ് റിപ്പോര്‍ട്ടുകള്‍. രണ്ട് ആയുധധാരികള്‍ സുരക്ഷാ ഉദ്യോഗസ്ഥര്‍ക്ക് നേരെയും അംഗരക്ഷകര്‍ക്ക് നേരെയും വെടിയുതിര്‍ത്തതായി പോലീസ് ട്വിറ്ററില്‍ കുറിച്ചിട്ടുണ്ട്. അതേ സമയം ഹോട്ടലിനുള്ളിലും വെടിവെയ്പ് നടന്നതായി റിപ്പോര്‍ട്ടുകളുണ്ട്.
