തിരുവനന്തപുരം: കരമന സ്വദേശി അനന്തു ശിരീഷിന്റ കൊലപാതകത്തിൽ സിനിമാ സ്റ്റൈൽ ആസൂത്രണമാണ് നടത്തിയതെന്ന് പോലീസ് നിഗമനം.കഴിഞ്ഞ ദിവസം പട്ടാപകലാണ് അനന്തുവിനെ തട്ടിക്കൊണ്ടു പോയിക്രൂരമായി കൊല പ്പെടുത്തിയത്. ആളുകളിൽ ഭീതി പരത്തി അധോലോക സംഘം സൃഷ്ടിക്കാനായിരുന്നു കൊലപാതകികളുടെ ശ്രമം.
അടുത്തിടെ യുവാക്കൾക്കിടയിൽ ശ്രദ്ധായാകർഷിച്ച കെ.ജി.എഫ് എന്ന ചിത്രത്തിന്റെ പശ്ചാത്തലത്തിലാണ് ഇങ്ങനെ ഒരു കൊലപാതകത്തിന് ആസൂത്രണം ചെയ്തത്. അനന്തുവിനെ കൊലപ്പെടുത്തിയ പതിനാലംഗ സംഘം ഈ ചിത്രത്തെ അനുകരിക്കുന്നവരായിരുന്നു . അധോലോക നായകന്മാരാവാനുള്ള കൊലപാതകരുടെ ആഗ്രഹമാണ് കൊലപാതകത്തിലേക്ക് നയിച്ചത്.
