ന്യൂഡല്‍ഹി: ഛോട്ടാ ഷക്കീലിന്റെ അടുത്ത അനുയായി ഡല്‍ഹിയില്‍ അറസ്റ്റില്‍. കിഴക്കന്‍ ഡല്‍ഹിയിലെ ഒരു കേന്ദ്രത്തില്‍ നിന്നാണ് ജുനൈദ് ചൗധരി എന്നയാള്‍ അറസ്റ്റിലായത്. ഷക്കീലിന്റെ ഡല്‍ഹിയിലെ ഇടപാടുകള്‍ക്കു നേതൃത്വം നല്‍കിയിരുന്നത് ജുനൈദായിരുന്നു. ഇയാളെ പോലീസ് ചോദ്യംചെയ്തുവരികയാണ്. കഴിഞ്ഞവര്‍ഷം ജൂണില്‍ ഛോട്ടാ ഷക്കീലുമായി ബന്ധപ്പെട്ട ഹവാല ഇടപാടില്‍ ജുനൈദും മറ്റു മൂന്നുപേരും ഡല്‍ഹിയില്‍ അറസ്റ്റിലായിരുന്നു. മൂന്നു മാസത്തെ ജയില്‍വാസത്തിനുശേഷം ഇയാള്‍ ജാമ്യത്തിലിറങ്ങി അധോലോക പ്രവര്‍ത്തനങ്ങളില്‍ സജീവമായി. പിന്നാലെ ഡല്‍ഹി പോലീസ് ഇയാളുടെ ജാമ്യം റദ്ദാക്കിയെങ്കിലും വീണ്ടും പുറത്തിറങ്ങിയാണ് ഇയാള്‍ അധോലോക പ്രവര്‍ത്തനങ്ങളില്‍ ഏര്‍പ്പെട്ടിരുന്നതെന്നു പോലീസ് അറിയിച്ചു.
