മലപ്പുറം: പെരിന്തല്‍മണ്ണയില്‍ വിദ്യാര്‍ത്ഥി വെടിയേറ്റ് മരിച്ച സംഭവത്തില്‍ ഒരാള്‍ അറസ്റ്റില്‍. മാനത്ത്മംഗലം സ്വദേശി മുസമ്മില്‍ ആണ് അറസ്റ്റിലായത്.അതേസമയം, സംഭവത്തില്‍ ആശുപത്രിയിലെ സിസിടിവി ദൃശ്യങ്ങള്‍ പുറത്തായിരുന്നു.
ചോരയില്‍ കുളിച്ച നിലയിലാണ് രണ്ടുപേര്‍ ചേര്‍ന്ന് യുവാവിനെ ആശുപത്രിയിലെത്തിച്ചത്. ബൈക്കിലെത്തിയ ഇവര്‍ രക്ഷപ്പെടാന്‍ ശ്രമിക്കുന്നതും ദൃശ്യങ്ങളില്‍ വ്യക്തമായി കാണാം. ഇവരെ പിന്തുടര്‍ന്ന് മറ്റൊരാള്‍ കൂടി എത്തിയതായും ദൃശ്യങ്ങളിലുണ്ട്. മാനത്തുമംഗലം കിഴിശേരി കുഞ്ഞി മുഹമ്മദിന്റെ മകന്‍ മാസിന്‍ (21) ആണ് കഴിഞ്ഞ ദിവസം മരിച്ചത്.
