തിരുവനന്തപുരം: തലസ്ഥാനത്ത് സ്ത്രീകളെയും പെണ്‍കുട്ടികളെയും ശല്യം ചെയ്ത ഇരുനൂറോളം പേര്‍ പിടിയില്‍. സ്കൂള്‍, കോളേജ്, ബസ് സ്റ്റാന്‍ഡ്, ആശുപത്രി പരിസരം എന്നിവിടങ്ങളില്‍ വിദ്യാര്‍ഥിനികളെയും സത്രീകളെയും കമന്റടിക്കുകയും ശല്യപ്പെടുത്തുകയും ചെയ്തവരാണ് കുടുങ്ങിയത്. ഇവരിൽ 80 പേർക്കെതിരെ കേസ് രെജിസ്റ്റർ ചെയ്തു. 120 പേര്‍ക്കെതിരെ പെറ്റിക്കേസെടുത്തു. ഓപ്പറേഷന്‍ റോമിയോ എന്ന പേരില്‍ സിറ്റി പൊലീസ് നടത്തിയ പ്രത്യേക പരിശോധനയിലാണ് ഇത്രയും പേര്‍ പിടിയിലായത്.
