തിരുവനന്തപുരം: തിരുവനന്തപുരം പെരുങ്കടവിളയില്‍ വാഹനത്തില്‍ ഒളിപ്പിച്ചു കടത്താന്‍ ശ്രമിച്ച 310 കിലോ സ്ഫോടക വസ്തുക്കള്‍ എക്സൈസ് പിടികൂടി. പ്രദേശത്തെ ക്വാറികളിലേക്ക് സ്ഫോടക വസ്തുക്കള്‍ എത്തിക്കാനായിരുന്നു ശ്രമം. എക്സൈസ് സംഘം പെരുങ്കടവിളയില്‍ നടത്തിയ വാഹന പരിശോധനയ്ക്കിടെയാണ് സ്ഫോടക വസ്തുക്കള്‍ പിടികൂടിയത്. തിരുവനന്തപുരം ഭാഗത്തു നിന്നും വരികയായിരുന്ന ടിപ്പറില്‍ നിന്നുമാണ് സ്ഫോടക വസ്തുകള്‍ കണ്ടെത്തിയത്. ഇതേ തുടര്‍ന്ന് വാഹനത്തിന്റെ ഡ്രൈവര്‍ പുഷ്പരാജിനെയും സഹായി വിനീഷിനെയും എക്സൈസ് സംഘം പൊലീസിന് കൈമാറി.
തിര, ജെലാസ്റ്റിന്‍ സ്റ്റിക്, വെടിമരുന്ന് എന്നിവ അടങ്ങിയ പതിനാറ് പെട്ടികളിലായാണ് സ്ഫോടക വസ്തുക്കള്‍ കടത്താന്‍ ശ്രമിച്ചത്.
