മലപ്പുറം : കൊണ്ടോട്ടിയില്‍ 23.33 ലക്ഷം രൂപയുടെ കുഴല്‍പ്പണം പിടികൂടി. വാഹന പരിശോധനക്കിടെയാണ് പണം പിടികൂടിയത്. സംഭവത്തില്‍ വള്ളുവമ്പ്രം അത്താണിക്കല്‍ ചാവിക്കാടന്‍ നഹാസ് (30) പിടിയിലായി. ഇയാളുടെ പക്കല്‍ നിന്ന് ആറര ലക്ഷം രൂപ പിടിച്ചെടുക്കുകയും ചെയ്തു. കൂടാതെ ഇയാളെ ചോദ്യം ചെയ്തതില്‍ നിന്ന് മൊറയൂര്‍ എടപ്പറമ്പ് അസ്ലമിന്‍റെ വീട്ടില്‍ പരിശോധന നടത്തി 16,82,900 രൂപയും , നോട്ടെണ്ണാന്‍ ഉപയോഗിക്കുന്ന മെഷീനും പോലീസ് കണ്ടെടുത്തു. അസ്ലാമിനു വേണ്ടി പൊലീസ് തെരച്ചില്‍ ആരംഭിച്ചിട്ടുണ്ട്.
