കൊല്ലം : സൈനികന്റെ വീട് അടിച്ച് തകര്‍ത്ത കേസില്‍ പോപ്പുലര്‍ ഫ്രണ്ട് നേതാവ് അറസ്റ്റില്‍. ശാസ്താംകോട്ട സിനിമാപ്പറമ്പ് പനപ്പെട്ടി ചരുവില്‍ പുത്തന്‍വീട്ടില്‍ അബ്ദുല്‍ ജബ്ബാറാണ് പിടിയിലായത്. കേസില്‍ ഏഴ് പ്രതികളെ തിരിച്ചറിഞ്ഞിട്ടുണ്ട്. ജൂലൈ 2ന് ഉച്ചയ്ക്കായിരുന്നു വീടിനു നേരെ ആക്രമണം നടന്നത്. വീട്ടിലെ പൂജാമുറി, വാതിലുകള്‍, ജനലുകള്‍ എന്നിവ അടിച്ചുതകര്‍ത്തു. അബ്ദുല്‍ ജബ്ബാറും സുഹൃത്ത് ഷാനവാസും ചേര്‍ന്നാണ് അക്രമത്തിന് പദ്ധതിയിട്ടത്. മറ്റ് അഞ്ച് പ്രവര്‍ത്തകരെയും കൂടെ കൂട്ടി.
സംഭവത്തിന് ശേഷം അക്രമികള്‍ ഒളിവിലായിരുന്നു. മറ്റ് പ്രതികള്‍ക്കായി അന്വേഷണം പുരോഗമിക്കുകയാണ്‌.
