എറണാകുളം: കാലടി മറ്റൂര്‍ സ്വദേശി സോജനെയാണ് എറണാകുളം റൂറല്‍ പോലീസാണ് അറസ്റ്റ് ചെയ്തത്.ലോക്ക്ഡൗണ്‍ പ്രഖ്യാപിച്ചിരിക്കെ സോജന്‍ അടക്കമുള്ള കുറച്ചു പേര്‍ പുറത്തിറങ്ങുകയും വീട്ടിലേക്ക് മടങ്ങുവാന്‍ ആവശ്യപ്പെട്ട ആരോഗ്യ പ്രവര്‍ത്തകരോട് തട്ടിക്ക‍യറുകയും ചെയ്തിരുന്നു.
പോലീസ് ഡ്രോണ്‍ ഉപയോഗിച്ച്‌ നടത്തിയ പരിശോധനയില്‍ സംഭവം ശ്രദ്ധയില്‍പെട്ടതോടെയാണ് അറസ്റ്റുണ്ടായത്. തുടര്‍ന്ന് ജാമ്യമില്ല വകുപ്പുപ്രകാരമാണ് ഇയാളെ അറസ്റ്റ് ചെയ്തത്.പകര്‍ച്ചവ്യാധി ഓര്‍ഡിനന്‍സിന്‍റെ അടിസ്ഥാനത്തിലാണ് സംസ്ഥാനത്ത് ആദ്യ അറസ്റ്റ് രേഖപ്പെടുത്തിയത് .
