സിംഗപ്പൂര്‍ : സാമ്പത്തിക രംഗത്തെ പുത്തന്‍ പരിഷ്കാരങ്ങളുടെ ഭാഗമായി താല്‍ക്കാലികമായി ചില വ്യതിയാനങ്ങള്‍ സമ്പദ്വ്യവസ്ഥയില്‍ ഉണ്ടായെന്നും എന്നാല്‍ ഇതില്‍നിന്നും ഇന്ത്യന്‍ സമ്ബദ്വ്യവസ്ഥ തിരിച്ചുവരികയാണെന്നും കേന്ദ്ര ധനമന്ത്രി അരുണ്‍ ജയ്റ്റ്ലി. സിംഗപ്പൂരില്‍ നടക്കുന്ന മോര്‍ഗന്‍ സ്റ്റാന്‍ലിയുടെ 16-ാം ഏഷ്യാ – പസഫിക് വാര്‍ഷിക കോണ്‍ഫറന്‍സില്‍ സംസാരിക്കുകയായിരുന്നു അദ്ദേഹം. ഓഗസ്റ്റ് മാസത്തെ ജിഡിപി നാലു വര്‍ഷത്തെ ഏറ്റവും കുറവായ 5.7 ശതമാനമാണു രേഖപ്പെടുത്തിയത്. സമ്ബദ്വ്യവസ്ഥയുടെ ആ താഴ്ച അവസാനിച്ചതായാണ് എനിക്കു തോന്നുന്നത്. ഇപ്പോള്‍ അതു മുകളിലേക്കു കയറുകയാണ്. ആഗോളതലത്തിലും സമ്ബദ്വ്യവസ്ഥ മുകളിലേക്കു കയറുകയാണെന്നും ജയ്റ്റ്ലി വ്യക്തമാക്കി. കുറഞ്ഞത് അടുത്ത 10 വര്‍ഷത്തേക്കോ അതില്‍ക്കൂടുതലോ ഉയര്‍ന്ന വളര്‍ച്ചാ നിരക്കുണ്ടെങ്കിലേ സാമ്ബത്തിക രംഗത്തിന്റെ വികസനവുമായി ഇന്ത്യയ്ക്കു മുന്നോട്ടു പോകാനാകൂയെന്നും ജയ്റ്റ്ലി കൂട്ടിച്ചേര്‍ത്തു.
